Melloras do asfalto de vías municipais

Nos vindeiros días pavimentaranse os camiños da Chan (Vide) e de Porteiró (Santa Eulalia de Batalláns).

Os traballos consistirán no re-asfaltado de 2 tramos de camiños que suman uns 800 metros lineais con anchos de 4 e 5 metros segundo os casos. Haberá traballos complementarios de limpeza de caños, execución dun tramo de beiravía e dunha tajea ademais do pintado da estrada.

As obras son financiadas polo Plan Marco 2021-2022 da Consellería de Medio Rural e terán un custe de 55.002,63 euros.

Todos estes traballos están encadrados na planificación anual para a mellora de estradas de 2021 do Concello das Neves.