Irmandade LAM
Asociación cultural
Irmandade Loira Atlantique Meridionale
Legé
- SUPERFICIE: 63,32 Km2
- POBOACIÓN: 3.688 habitantes
- DENSIDADE DE POBOACIÓN: 38 hab./Km2
Legé está situado no extremo sur do departamento do Loire Atlantique, limítrofe con A Vendée. O municipio é a capital da comarca. A agricultura segue sendo un vector importante para a súa economía.
A comarca ofrece a toda a súa poboación un sector asociativo moi presente e dinámico e un conxunto de servicios e equipamentos (escolares, deportivos, culturais, comerciais e de comunicación moi completos, ademais dunha zona de ocio de 15 hectáreas.
Corcoué sur Logne
- SUPERFICIE: 50,39 Km2
- POBOACIÓN: 2.029 habitantes
- DENSIDADE DE POBOACIÓN: 40 hab./Km2
O Concello de Corcué está situado no límite do Loire-Atlantique e A Vendée. Pola súa ubicación no corazón do Val da Logne, o municipio de Corcué beneficiouse dun desenvolvemento excepcional, debido a súa proximidade, con Nantes ( 15 minutos da periferia nantesa) e có litoral atlántico. O Concello de Corcué ofrece numerosas oportunidades para o desenvolvemento local vinculadas principalmente coa madeira e a construcción.
Touvois
- SUPERFICIE: 39,21 Km2
- POBOACIÓN: 1.325 habitantes
- DENSIDADE DE POBOACIÓN: 34 hab./Km2
A riqueza dos elementos naturais, auga, bosques… e o desenvolvemento de actividades ligados a eles, marca a vida dos habitantes de Touvois.
Touvois é un Concello que tivo sempre unha actividade comercial importante.
Unha das súas particularidades: os talleres de mecánica de automóbil e agrícola. A zona artesanal sitúase no importante eixe de ruta da ponte de Saint-Nazaire.
O Concello foi equipado cunha estación de depuración ultra-moderna con gran capacidade para o tratamento de residuos.
Asociación Cultural Amigos do Loira Atlántico Meridional
A asociación creouse para contribuír ó desenvolvemento e consolidación dos vínculos establecidos na Carta de Irmandade entre a Comunidade de Municipios do Cantón de Legé (Corcoué sur Logne, Legé e Touvois) en Francia, e o Concello das Neves (Pontevedra), asinada o 30 de agosto de 2003 e ratificada o 14 de xullo de 2004, fomentando así a participación activa de persoas e colectividades nas actividades e programacións conxuntas.
Serán fins primordiais da “ASOCIACIÓN CULTURAL AMIGOS DO LOIRA ATLÁNTICO MERIDIONAL”, os seguintes:
- Organización de Cursos e Cursiños intensivos para a adquisición de coñecementos da lingua e cultura francesas, con especial atención a Cultura do Pays de la Loire, dirixidos a persoas de As Neves, e de Cursos de lingua e cultura españolas, con especial atención a lingua e cultura galegas, orientados a membros da Comunidade do Cantón de Legé que visiten As Neves.
- Organización de intercambios Escolares, familiares e de xoves con estadías nas respectivas localidades en períodos lectivos ou de lecer, tanto entre familias de acollida como en centros ou institucións públicos ou privados.
- Organización de ciclos de conferencias, seminarios, mesas redondas, etc. sobre temas relacionados có Pays de la Loire e Galicia.
- Fomento de viaxes de estudios, intercambios turísticos, contactos entre membros dos sectores comerciais, profesionais, industriais e artesanais para levar a cabo experiencias compartidas nos seus campos de acción.
- Colaboración e participación nas actividades que programen as Institucións Públicas das respectivas comarcas, dentro dos compromisos adoptados na Carta de Irmandade.
- Organización de Exposicións, actos divulgativos e actividades que permitan o coñecemento dos valores patrimoniais, de defensa da natureza, de conservación do folclore e a cultura popular, e deportes e actividades de lecer e difusión das dúas comunidades, fomentando así os vencellos de amizade e colaboración entre os cidadáns de unha e outra procedencias.
- Organización de actos de exaltación do sentimento da fraternidade europea. Xaneiro de 2.005
Contacto da Asociación
Mª Belén Jorge Estévez
loiraatlantico@yahoo.es
