O Goberno local vén de aprobar a expediente de ‘Mellora da Seguridade Vial dos Camiños Municipais’, que ten coma obxectivo continuar co arranxo e mantemento dos viais de titularidade municipal.
Este programa, que conta cun orzamento de 50.000 euros, empregará nos arranxos máis de 184 toneladas de asfalto, para o tratamento do firme, eliminación de fochas e buracos e arranxo do pavimento. Tamén se levarán a cabo labouras de corte para o ‘destoconamento’ de raíces nunha superficie de preto de 300 m2.
Plan de Accesibilidade
Ao mesmo tempo, segue adiante o ‘Plan de Accesibilidade do Concello das Neves 2019-2023’, que intervén en tódalas parroquias, dando prioridade ás necesidades máis urxentes. Antes de finais deste ano, como xa informara o Concello, estarán rematadas obras en San Xosé de Ribarteme, As Neves, Setados, Cerdeira, Santa Eulalia de Batalláns, Taboexa e Santiago de Ribarteme, completando ás de 2021, que permitiron mellorar a vida a veciñas e veciños de San Pedro de Batalláns, Rubiós, San Cibrán de Ribarteme e Vide.