O Goberno local retoma dente a vindeira semana as reunións coas veciñas e veciños de todas as parroquias das Neves. O programa ‘O Concello escoita’, regresa logo dun paréntese de catro anos, forzado polas consecuencias dos incendios de outubro de 2017 e pola pandemia da COVID.
Durante as vindeiras semanas, o alcalde, Xosé Manuel Rodríguez Méndez, o primeiro tenente de alcalde, Marcelino Couto, e as concelleiras e concelleiros responsábeis dos diferentes departamentos do Concello, responderán a todas as preguntas que lles consideren os veciños, recibirán as súas propostas, suxestións e demandas e explicarán os proxectos xa realizados nos últimos meses, os que están en marcha na actualidade e aqueles que está previsto que comecen nas vindeiras semanas.
DATAS
Luns 09/Maio- Estación. 21:15h. Escola
Venres 13/Maio.- Taboexa, 20:30 Centro de Interpretación do Patrimonio e Cultural
Mércores 18/Maio.- As Neves, 20:30 Casa da Xuventude
Xoves 19/Maio.- San Cibrán de Ribarteme, 20:30h. Escola
Venres 20/Maio.- San Pedro de Batalláns, 20:30h. Escola
Luns 23/Maio.- San Xosé de Ribarteme, 20:30h. Escola
Mércores 25/Maio.- Rubiós, 20:30h. Casa da Música
Venres 27/Maio.- Cerdeira, 20:30h. Escola
Luns 30/Maio.- Liñares, 20:30h. Escola
Mércores 1/Xuño.- Santa Eulalia de Batalláns, 20:30h. Escola
Xoves 2/Xuño.- Santiago de Ribarteme, 20:30h., C.Cultural
Luns 6/Xuño.- Setados, 20:30h. Escola
Mércores 8/Xuño.- Tortoreos, 20:30h. Escola
Venres 10/Xuño.- Vide, 20:30h. Casa da Auga
Aquelas persoas que por calquera motivo non poidan asistir ás reunións e queiran facer algunha demanda, expor unha proposta ou trasladar unha queixa ou idea ao Concello, poden facelo mandando un correo electrónico a: oconcelloescoita@asneves.gal
