Premendo aquí 👉 As Neves Concilia. lista Admitidos pódese consultar a listaxe de nenas e nenos admitidos nos campamentos municipais de verán ‘As Neves Concilia’, organizado polo Concello.
Conciliación
O proceso de inscrición estivo aberto do 1 ao 17 de xuño para uns campamentos que teñen coma obxectivo facilitar a conciliación da vida familiar e laboral, ocupando o tempo libre das crianzas en idade escolar de forma organizada e planificada, por medio de actividades que potencien a corresponsabilidade en todas as esferas da vida. As cativas e cativos achegaranse, de xeito divertido, aos recursos paisaxísticos, culturais e de lecer da súa contorna.
Actividades
As actividades comprendidas nos Campamentos Municipais das Neves deste verán abranguen obradoiros, manualidades; actividades ao aire libre, xogos populares, obradoiros de cociña, ciencia, expresión corporal música ou contacontos.
Tres grupos
Haberá tres grupos de cativos, en deles en Cerdeira, outro en Rubiós e o terceiro en San Xosé de Ribarteme. As datas dos campamentos serán do 4 de xullo ao 2 de setembro, de luns a venres (agás os días 25 e 29 de xullo e 5 e 15 de agosto) en horario de 09:00-14:00h., existindo a posibilidade de que empecen ás 08:00h. segundo as necesidades das familias.