O Concello convocará as segundas subvencións para as comunidades de usuarios ou traídas de augas das parroquias

Este 2022, por segundo ano consecutivo, o Concello das Neves convocará novas subvencións para as comunidades de usuarios ou traídas de augas das parroquias.

En 2021, grazas a estas axudas, as traídas de augas de San Pedro de Batalláns, Taboexa Norte, Vide e Santiago de Ribarteme, realizaron obras que abrangueron, principalmente, a renovación de tramos das redes principais de distribución de auga.

Nos últimos anos, o Concello  investiu máis de 100.000 euros na mellora de instalacións, melloras no suministro, eficiencia no consumo e actuacións para previr as secas.