Logo de tres anos de esixencia continua do Concello das Neves, en especial do primeiro tenente de alcalde e concelleiro de Vías e Obras, Marcelino Couto, finalmenente, a Xunta segue coas obras de reparación da pista da Caíña ao Pousadouro.
A vía quedara «totalmente desfeita polo paso de camións de gran tonelaxe» para a retirada da madeira queimada, lembra Couto, quen apunta que «o Concello, como lle pediu a Axencia Galega de Desenvolvemento Rural (AGADER) elaborou proxecto de reparación», e Xunta adxudicou os traballos por uns 48.000 euros.
Case 6 quilómetros
Os traballos abrangueron unha lonxitude de 5.900,00 metros nos que se acometeu a limpeza das embocaduras de 6 tajeas, de beiravías fondas con retroescavadora, en todo o camiño, ata unha profundidade de preto dun metro, depositando o material escavado sobre camión, incluíndo o transporte do mesmo ó vertedoiro.
Renovación completa do firme
Logo realizouse o bacheo de firme asfáltico con 183,30 toneladas, compostas de mestura bituminosa en frío, así como o barrido, raspado e limpeza da superficie de apoio, retirada de elementos soltos, aplicación do rego de adherencia con dotación 1 Kg/m2 de ECR-2, recheo con base de 5 centímetros, mínimo de aglomerado 25 centímetros nivelado e compactación, incluso posterior selado con area ou similar.
