Rutas de sendeirismo
COÑECE A NOSA VILA
Rutas de sendeirismo
RUTA DA LAMPREA
Ruta proposta sobre tres río galegos como son o Tambre, Ulla e Miño. Neste caso, no itinerario relacionado co río Miño
CAMIÑO DAS FONTES
Ruta que se celebra especialmente a finais de xullo, comezando no Pazo de Tortoreos e seguindo por diversas fontes
SENDEIRO DOS PESCADORES
Ruta lineal no que se percorre ó longo de máis de 6 km a beira galega do Miño, entre as augas do río e a vía do ferrocarril
Ruta lineal de aprox. 15 quilómetros e 700m de desnivel
Camiño dos Frades
O conxunto etnográfico que podemos atopar ao longo de todo o camiño é dunha enorme riqueza.
Dise que este camiño era xa empregado pola raíña Isabel de Portugal, que cruzaba o río Miño dende as cidades portuguesas chegando ata o noso concello. Dende aquí, a raíña continuaba ata o mosteiro da Franqueira, na súa peregrinación a Santiago de Compostela. Ás beiras do río Termes, testemuña de gran parte deste percorrido, pódense atopar bidueiros, carballos, amieiros e outras moitas especies arbóreas.
Hoxe en día revívese este camiño, onde podemos ver marabillas feitas pola man do home que adornan o sendeiro, dende Vide (As Neves) ata a Franqueira (A Cañiza), coma pontes romanas, medievais, muíños, petos de ánimas, cruceiros, igrexas, casas señoriais e incluso unha sobreira catalogada como a máis antiga de Galicia, todo isto dentro dun marco paisaxístico de beleza incomparable.
O camiño comeza na capela de San Manuel, na parroquia de Vide e continúa pola Chan de Vide, posteriormente pasa por Mirenciños, onde nos atoparemos coa Ponte das Puntaleiras. Continuando o traxecto cara San Cibrán de Ribarteme, atoparemos outra ponte romana, a Ponte da Senra, situada nun conxunto de gran valor etnográfico composto por muíños e árbores.
Abandonando lixeiramente a ruta, podemos atopar nesta mesma parroquia a coñecida como Casa da Inquisición ou de Barro, que conta cun escudo nobiliario. Desviándonos do camiño cara San Xosé de Ribarteme atoparémonos coa Capela das Pedriñas, o Coto de Lobos ou o Pousadouro. Debemos lembrar a riqueza tamén dos espazos naturais ao longo deste percorrido, na súa maioría incluídos na Rede Natura 2000.
