Trátase dunha convocatoria que é de quenda libre e ten coma obxectivo a mellora na prestación dos servizos públicos.
O Boletín Oficial do Estado (BOE) publicou o día 25 de marzo de 2023 a convocatoria dunha Oferta de Emprego para cubrir 13 postos de traballo, de funcionario e de persoal laboral fixo, para o Concello das Neves.
As instancias de solicitude poden presentarse do 16 de marzo ata o 4 de abril, ambos inclusive.
Trátase dunha das OPE máis importantes aprobadas nas Neves nos últimos anos, e forma parte do proceso de estabilización de emprego temporal e do obxectivo de progresar na prestación dos servizos públicos municipais.
Esta convocatoria abrangue, no que se refire a persoal laboral fixo : 1 posto de Axente de Emprego de Desenvolvemento Local; 1 posto de Traballador Social; 1 posto de Educador Familiar; outro de Arquitecto; 1 máis de Asistente de Axuda a Domicilio; 1 posto de Auxiliar Administrativo para o Xulgado de Paz; 1 posto de Auxiliar Administrativo de Servizos Sociais; outro de Auxiliar Administrativo de Atención ao Público e Gravación de datos e 2 postos de Limpador/a. Polo que atangue á selección de persoal funcionario, unha oferta de emprego de Administrativo. En todos os casos a convocatoria é de quenda libre.
O alcalde, Xosé Manuel Rodríguez Méndez, apunta que este proceso selectivo «permite ao Concello das Neves contar cunha estrutura de persoal moito máis estable o cal, sen dúbida, redundará na mellor prestación dos servizos as veciñas das Neves».
Tal e como se comprometera, o Goberno municipal acordou cos delegadas e delegados de persoal as bases desta convocatoria, seguindo coa intención, establecida hai xa oito anos, de manter en todo momento o diálogo cos axentes sociais.
MODO DE PRESENTACIÓN: Deberánse entregar para cada posto de traballo un Anexo I (Solicitude), un Anexo II (Declaración Responsable), a titulación esixida e a documentación que acredite os méritos.
Anexo I de AXENTE DE EMPREGO E DESENVOLVEMENTO LOCAL, TRABALLADOR_A SOCIAL, EDUCADOR_A FAMILIAR, ARQUITECTO_A, ASISTENTE AXUDA A DOMICILIO, AUXILAR ADMINISTRATIVO_A XULGADO DE PAZ, LIMPADOR_A, CONDUTOR_A TRACTORISTA, AUXILIAR ADMINISTRATIVO_A ATENCIÓN AO PÚBLICO E GRAVACIÓN DE DATOS, AUXILIAR ADMINISTRATIVO_A SERVIZOS SOCIAIS e ADMINISTRATIVO_A.
Anexo II DECLARACIÓN RESPONSABLE (Común para todas as prazas).
Podes consultar a información e as bases, aquí