Como xa é habitual, Voluntariado As Neves fai público, un ano máis, oestado da conta ‘As Neves Zona 0’👉 CONTAS As Neves Zona 0, así como as actividades nas que estivo implicada e iniciativas nas que participou.
Durante este último ano continuamos colaborando con todos os centros escolares das Neves a través do proxecto “O monte nace na escola”, levándose a cabo os obradoiros “Desplastifícate”,en todos os centros, ademais de apoiar nas hortas e plantacións do CEIP Marquesa do Pazo da Mercé, e Escolas Unitarias de Rubiós e Taboexa, no xardín comestible da EFA A CANCELA e na plantación de árbores no entorno do IES Pazo da Mercé.
Agradecemento especial,por segundo ano consecutivo, merecen ás nosas “Cortadoras e Costureiras Voluntarias” que, desde o curso pasado, veñen colaborando na confección de portabocatas e bolsas de tea reutilizables que foron entregados ás nenas e nenos que estudan nos nosos centros, co fin de motivalos na eliminación de materiais non reutilizables e poñer así en práctica o aprendido nos obradoiros impartidos.
Quedamos, coma sempre, á vosa disposición para calquera aclaración en voluntariadoasneves@gmail.com.
