Almiñas da Baldeira
O máis destacado deste peto, labrado no ano 1786, é a decoración barroca en forma de modillóns afrontados que presenta a súa base. O retablo, que estivo policromado, aparece presidido polo Espírito Santo en forma de pomba voadora e inmediatamente por debaixo atopamos un freire vestido con hábito, axudando a liberar as ánimas entre as lapas. Entre as almiñas que padecen o lume están unha muller e, coroada, unha figura masculina que Fernández de la Cigoña identifica co Rei de España.
