Capela de San Antonio
Na actualidade só quedan en pé os seus alicerces e parte da súa cantaría. Localizábase ao sur do campo de fútbol, a 325 m de altura, no límite sueste coa parroquia de Rubiós, que foi anexo de Taboexa. No arranxo de 1854 dise que ten o título de San Francisco e San Antonio, e que as súas dimensións son cinco metros de longo por catro de ancho. Tamén se afirma que é de "padroado particular de sangue". As súas cargas eran unha misa cantada no día de San Antonio e doce rezadas anuais. Tiña todos os obxectos necesarios para celebrar nela o Santo Sacrificio da Misa. Era coñecida comunmente co nome de San
Antonio, quizais, pola misa cantada que se celebraba no seu día.