Cruceiro dos Píos
Cruceiro sinxelo que carece de chanzos de sustentación, presentando tan só unha base soterrada no chan que deixa libre a cara dianteira. Varal curto, primeiramente de sección cadrada, pero despois octogonal. Cóbrese por un capitel en forma de esfera, no que se destacan oito meridianos, correspondentes ás oito caras poligonais. Remata nunha cruz latina de sección rectangular coas arestas rebaixadas nos que os extremos de brazos e testeiro acaban en cadrados.
