Carta Xeométrica de Galicia
Domingo Fontán Rodríguez (1788-1866) foi un catedrático da Universidade de Santiago nas materias de lóxica, metafísica, física experimental e matemáticas sublimes. A el debémoslle a Carta Xeométrica de Galicia, realizada mediante unha metodoloxía científica, un traballo de campo e de gabinete ao que dedicou 17 anos da súa vida. O seu mapa foi gravado en París en 1845 e impreso na mesma cidade en 1848. Colaborou con Madoz no seu Diccionario Geográfico.