Peto do Cemiterio Vello
O retablo é de pedra policromada, presidido pola pomba do Espírito Santo que irradia raios en todas direccións, e aparece afastada da escena inferior por dous anxos con grandes ás brancas. Imediatamente por debaixo aparece a imaxe de San Miguel sobre neboeiro que o afasta das lapas do Purgatorio, provisto tamén de ás, que leva na man esquerda a báscula para pesar as boas e malas accións das ánimas mentres que coa dereita sinala o ceo. Trátase dun orixinal Peto-tumba con retablo das ánimas do que se coñece un único paralelo no cemiterio de Parada de Achas (A Caniza).
