Mapa do Bispado de Tui
Rosendo Amoedo, 1766
Rosendo Amoedo (1736-1805), foi un cartógrafo e debuxante natural de Ribadavia. Traballou como colaborador de Tomás López, cartógrafo e xeógrafo real. Rosendo tamén foi debuxante, pintor e dourador de retablos. Da súa autoría son, por exemplo, as pinturas do retablo da capela de San Bieito de Cuñas, no concello de Cenlle, realizadas en 1782.
A Amoedo debémoslle varios mapas de bispados debuxados para a «España Sagrada», do padre Enrique Flórez (1767). Tomás López gabou o seu “Mapa de la Diócesis de Tuy”, que utilizou para debuxar o seu Mapa del Reino de Galicia (1784).