Mapa do Reino de Galicia
Tomás López, 1784
Tomás López (1731-1802) foi un cartógrafo madrileño. Foi enviado a París en 1752 polo Marqués de la Ensenada para aprender as técnicas de gravado. Regresou a Madrid en 1760, dedicándose á formación de mapas por recompilación doutros anteriores, sen realizar traballo de campo, nin cálculos xeométricos. Para elaborar os seus mapas remitiu un cuestionario a bispos, curas e párrocos da Coroa de España para pedirlles “una especie de mapas o planos de sus respectivos territorios”.