Almiñas da Encrucillada
Foi erguido no ano 1898 no lugar da Encrucillada (Carreirachán). O seu promotor foi o propietario da casa, Manuel A. Carrera. Unha representación do sol e a lúa flanquean o fornelo, protexido por reixa de ferro. O retablo é de madeira policromada, presidido por un San Francisco que tende as dúas mans a ambas almiñas situadas aos lados. Nun plano inferior aparecen tres ánimas máis, sendo a central un cura. Por riba do fornelo lemos este texto que apela aos transeúntes: “Hermanos que vai pasando acordaos de nosotras que estamos penando”. O peto aparece coroado por dous pináculos rematados en bóla que flanquean unha cruz latina sen figuración erguida sobre unha esfera.
