Capela de San Vicente
A capela de San Vicente está en el lugar do Santo que, durante a Idade Moderna, formaba un Couto xurisdicional propio que tamén incluía os lugares dos Píos, Custoura, O Caneiro, O Corvo e Perdeán. A pesar das súas dimensións, o antigo barrio do Couto estaba suxeito “al Juez qe en el hay, y lo demas dela parroquia á la Justicia de Salvatierra”, escribe Ávila y La Cueva (1852). En 1528 aparece citada como unha ermida en mal estado de conservación: "...Iten esta otra hermita de san Vicente tambyen está caida no tyene propiedad ninguna...". Dous séculos máis tarde, en 1754, volve ser citada. Uns anos máis tarde, en 1780, a visita pastoral ordena que na capela “de Sn Vizte: que se quemen los corps (corporales) por indezentes, y qe se hagan 2 juegs y 4 purifidores... que se repase el tejado". Na visita de 1854 afírmase que nela se celebra misa algunha vez e, todos os anos, o 22 de xaneiro, a festa do santo titular. No mesmo documento dise que a capela é propia da parroquia e que ten unhas dimensións de “seis metros de longitud y cinco de latitud”. O Mordomo ou coidador da capela de San Vicente en 1819 era Francisco Carrera, do lugar dos Píos.
